Дорноговь аймаг дахь Улсын нөөцийн салбар болон Айраг сум дахь Улсын нөөцийн салбарын 2015 оны санхүү, аж ахуйн үйл ажиллагаанд хяналт шалгалт хийгдлээ.

Монгол Улсын Сангийн сайдын 2016 оны 08 дугаар сарын 01-ний өдөр баталсан нэгдсэн удирдамж, Засгийн газрын 2015 оны 12 дугаар сарын 14-ний өдрийн 483 тоот тогтоолоор батлагдсан “Дотоод аудитын дүрэм”, Санхүүгийн хяналт, аудитын албаны даргын баталсан 15 тоот удирдамжийн дагуу Дорноговь аймаг дахь Улсын нөөцийн салбар болон Айраг сум дахь Улсын нөөцийн салбарын 2015 оны санхүү, аж ахуйн үйл ажиллагаанд Санхүүгийн хяналт шалгалтын улсын ахлах байцаагч Х.Оюунтуяа ахалж, Санхүүгийн хяналт шалгалтын улсын байцаагч А.Амгаланзаяа 2016 оны 09 дүгээр сарын 06-ны өдрөөс 09 дүгээр сарын 23-ныг хүртэлх хугацаанд хяналт шалгалтыг хийж гүйцэтгэлээ. 

Шалгалтыг Монгол Улсыэ “Төсвийн тухай хууль”, “Нягтлан бодох бүртгэлийн тухай хууль”, “Нийгмийн даатгалын багц хууль”, “Төрийн албаны тухай хууль”, “Төрийн болон орон нутгийн өмчийн тухай хууль”, “Татварын багц хууль”, “Шилэн дансны тухай хууль”, “Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хууль”, “Гамшгаас хамгаалах тухай хууль”, “Улсын нөөцийн тухай хууль” болон бусад хууль тогтоомж, дүрэм, журмын хүрээнд хийж гүйцэтгэлээ.

Шалгалтанд нийт 518,1 мянган төгрөгийн төлбөр зөрчил илэрч, орон нутгийн төсөвт төлүүлэхээр 462,5 мянган төгрөгийийн, буцаан олгуулахаар 55,6 мянган төгрөгийн улсын байцаагчийн 5 акт тогтоолоо.  

Шалгалтаар илэрсэн төлбөр зөрчлийг арилгуулахаар тус байгууллагуудад нийт 16 заалт бүхий зөвлөмж, Онцгой байдлын ерөнхий газарт 4 заалт бүхий саналыг тус тус хүргүүлж ажиллалаа.